Medikaplant

Pwa Pyant: Li Pwa, Li Kafe, Li Puisan

Medikaplant.org
Non Syantifik: Cassia occidentalis L.
Sinonim: Senna occidentalis
Lòt Non: Ti Kafe, Endigo, Gwo Endigo sovaj.
Non fransè: Café moka femelle, Séné occidental, Indigo, Gros indigo sauvage, L’indigo, Souveraine
Non Anglè: Septicweed, Negro-coffee, Coffee senna | senna coffee, Coffeeweed, Mogdad/Stephanie coffee, stinkingweed, styptic weed.

Gen twòp mirak plant sa ka fè, li gen anpil sekrè tradisyonèl ladan l yo koumanse bliye. Nou pede poste l sou Medikaplant e n ap kontinye bay detay sou li tanzantan. Gen anpil zanmi nou fè itilize l deja nan tretman kis ak fibwòm men moun yo toujou konn ap di yo pa konnen l.

Se yon liv pou n ta ekri sou pwa pyant lan sèlman. Tout kò plant lan se medikaman:
  • – Beny Pòspatòm: Fèy la nan beny lavman epi fèy,rasin nan beny pou fanm ki fenk akouche;
  • – Dyare| Lafyèv: èy la bon kont lafyèv ak dyare;
  • – Enfètilite: Rasin nan pou fanm ki gen pwoblèm fè timoun: dekoksyon
  • – Pile rasin nan ak fèy la kont gòj fè mal,
  • – Enflamasyon: Si w bouyi yo ou tanponnen janm ki anfle a,
  • – Malarya: tout plant lan nèt bon kont malarya,
  • -Pyè nan Ren: tizann fèy la kont pyè nan ren;
  • -Koklich, Bwonch fèb: fèy kont bwonch fèb ak koklich; -Tèt Fè Mal: se pou pile fèy yo epi mare yon konprès sou tèt malad la.
  • – Se yon tonik, se yon dyiretik
  • – Kis ak fibwòm: nou itilize rasin lan ak yon lòt epis popilè nan youn nan etap nan tretman espesyal Medikaplant fè pou kèk ra kliyan. (Sa se koze pwopriyetè pa Medikaplant)
Ann Ayiti se plis grenn nan nou itilize pou trete moun: griye grenn pwa pyant lan pou kontrekare dyabèt, ou ka prije fèy la tou jouk li rann ji, ak ji sa w fè konpoze a;
  • – Lafyèv | Sezisman: Lè griye grenn yo yo bon pou sezisman ak pou degèpi vye lafyèv
  • – Resere tisi ògàn yo: pou sa w ap pile grenn nan melanje ak ti dlo bouyi pou rann anndan w ak ògàn yo djougan.
Gen twòp byenfè ak vèti nan plant sa. Jaden plant ou pa dwe pa gen pwa pyant ladan l. Epi nan beny dyòk fèy pwa pyan se yon gwo zam, ou ka ajoute l ladan beny lan.
Atik similè
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email
  • Comment (3)
  • Anpil mèsi Ton Vye Ewol mèsi trò piti
    Mw santi ou manke bay detay sou doz pyè nan ren
    Anplis mw vle aprann plis èske pa gen mwayen koz zòzòye gen bagay ou toujou di ou pap pataje an piblik la

  • Sou pyè nan ren dizon mw santi ou manke bay detay Ton Vye Ewol
    Mèsi trò piti poum ta di Ton Vye alò mw pa konnen si gen yon lot mwayen pou ta aprann plis paske ou toujou akoz zòzòye gen bagay ou pap pataje an piblik

kite yon komantè