Medikaplant

Melon Anmè: Anti-Dyabetik Ak Lòt Benefis

Medikaplant.org

Melon Anmè: Bitter melon (anglè)
Lòt non: bitter squash, balsam-pear, karela, goya

Presizyon:
Konkonm sa pi gwo pase pa asowosi nou gen Ayiti a. Se yon lòt varyete. Sa ki sou foto a soti End se pou sa yo rele l nan lang anglè Indian Bitter Melon men azyatik yo sitou chinwa yo kiltive ak konsome plant sa anpil.

Kèk Jan Nou Ka Prepare l:

Nou renmen fè ji ansanm avè l nan ekip Medikaplant lan. Nou ka pran l konsa oswa melanje l ak lòt plant ou fwi swivan ki maladi m vle trete a. Nou ka prepare l pou manje, entegre l nan kizin nou plizyè fason diferan. Nou ka prepare l tankou konkonm oswa zoukini. Nou ka frikase ou fè l anba fou, fè salad ak li, bouyi l pou manje konsa oswa mete l nan lòt l pla n ap prepare. Nou ka fè rafrechi tou sitou moun ki soufri maladi sik, mete l tranpe nan po tyèd, lese l enfize epi bwè l kòm tizann pandan tout jounen an pou 7 jou. Rantre plant sa nan rejim alimantè w sitou si w fè sik, oswa gen moun nan fanmi pwòch ou ki fè kansè. Gen etid ki pwouve li efikas nan ede elimine viris ak redui nivo sik ki nan san w; gen lòt etid ki montre l kapab tiye selil kansè. Pa gen okenn rezon pou n pa konsome plant sa nèt e sitou konkonm Melon Anmè a (ki se fwi n ap gad sou foto a).

Etid rapòte l gen 2 fwa plis betakarotèn pase brokoli, 2x plis potasyòm pase fig ak 2x plis kalsyòm pase zepina. Li gen anpil fè, folat, vitamin A ak C, potasyòm, magnezyòm; ki gen bon fib(er).

Kèk Benefis:

  • Redui sik nan san
  • Pirifye san
  • Sistèm iminite
  • Sante kè n
  • Swen je n
  • Bon dijesyon
  • Ede pèdi pwa
  • Benefis Anti-kansè
  • Kont pyè nan ren
  • Ede lite kont pwoblèm nan fwa
  • Bon pou emowoyid
  • Ki ede konbat pwoblèm respiratwa
  • Sante po n
  • Ede trete Malarya
  • Plis anpil lòt avantaj

Pa enkyete w paske li pa two anmè vre ni gen move gou byenke l pa dous menm jan ak melon dlo 🍉 nou abitye yo. Menm jan ak anndan kokonm asowosi (yèsken) Ayiti a, gen ti grenn ki anndan yon ti anvlòp wouj ki dous anpil malgre lyann asowosi anmè, melon anmè a tou menm jan an. Se lè konkonm lan mi ou jwenn ti grenn anndan an dous konsa. Se prèske menm plant yo, youn pi gwo pase lòt, ou mezire gwosè melon anmè a nan foto a, gade longè l pa rapò ak pla men an. Nan ka moun ki Ayiti yo, nou ka itilize konkonm asowosi ak asowosi nou an prèske menm jan an tou pou rezoud tout pwoblèm sante nou site melon anmè a bon pou yo a. Pou plis detay sou asowosi, n ap jwenn lòt pòs sou MedikaPlant pou n konsilte.

MedikaPlant

www.Medikaplant.org
_________________________________________

#Medikaplant#dyabèt#sik#melonanmè

Atik similè
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

kite yon komantè