Medikaplant

AVE ou Anamu: Yon Plant Nou Dwe Damou

Medikaplant.org

Ave se yon mèt plant: Ave, gen kote yo rele l vèvenn pit, pa konfonn li ak vèvenn popilè a, li menm se vèvenn ke rat. Non syantifik li se Petiveria alliacea L. Nou dwe Jere Ti Kò a, prepare pou frape ak Ti NANA. Jan bagay la ye Ayiti la, li pa dous. Fèy « Ave » ak tout boujon: 1 tas (anviwon 250ml) | bouyi (dekoksyon) | 3 X pa jou.

Chache lòt pòs nou fè sou Ave anvan sa yo pou dekouvri lòt benefis ki ladan l. Nou gen de ane n ap poste l e n ap kontinye e chak fwa n ap bay bay lòt kichòy ak fè rapèl jiskaske nou koumanse valorize l.

Pinga pran plant anmè plis pase 3-4 semenn. Pinga malè fanm ansent ou k ap bay tete pran fèy plant sa. Fèy yo lakòz avòtman. Ave bon pou twòp bagay m p ap ka site tout la: mande m n a tande. Rasin Ave a menm wololoy, jere depatman sakre medam yo byen swa. Nan batay Kont Kowona sonje Medikaplant te rekòmande plant mirak sa nan lis li te bay yo. Depi moun lan gen yon bagay k ap manje l nan vant e nou pa ka jwenn koz la, dekoksyon Rasin Ave se youn nan dòz nou ka ba li pandan 7 jou kòm tizann pou rache pwoblèm nan.

Kèk Non POPILÈ nou ka itilize pou jwenn Ave a nan kèk peyi ki gen Ayisyen k ap viv, si w nan yon peyi ou pa konn sou ki non pou jwenn li, fè nou konnen:

Colombia, Dominican Republic, Panama: anamú

Dominica : koujourouk

Guatemala : apacín

Honduras : ipacina

Fransè: herbe aux poules, feuilles ave, petevere à odeur ail

Anglè: guinea henweed (Jamayik)

Brazil: tipi, anamú

Mucura nan peyi Pewou, epi anamú ak guine (ginen) kèk kote nan Amerik Latin; Trinidad: mapurite, gully root.


_______///____________//_____________________
#Medikaplant | #Ave | #Anamu

Atik similè
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

kite yon komantè